રાંદલમાંની સ્તુતિ

રાંદલમાંની સ્તુતિ 

લીપ્યું ને ગુંપ્યું મારૂં આંગણું રે માડી ,

પગલીનો પાડનાર દેજો રાંદલમાં  ...

ધોયેલો ધફોયેલો મારો સાડલો રે,

મારા ખોળાનો ખૂંદનાર દેજો રાંદલમાં  

વંશનો વેલો રન્નાદે વધારજો  રે ,

શ્રાદ્ધનો નાખનાર દેજો રાંદલમાં  ...

એકતા અનેક કરજો ભગવતી 

આપજો માં પુત્ર પરિવાર રાંદલમાં  ...

રાંદલમાં નું વ્રત

રાંદલમાં નું વ્રત 

આ વ્રત રવિવાના દિવસે થઇ છે  . આ દિવસે વ્રત કરનારે સવારે વેહલા  ઉઠી ,નહી- ધોઈ  મંદિર આગળ બાજોટ ઉપર રાંદલમાની છબી મૂકી દીવો કરવો  . પછી તેમનું ધ્યાન ધરવું આ વ્રતમાં એકટાણું કરતી વખતે મીઠા વગરની રોટલી અને ખીર લઇ શકાય  .ફરાળમાં સફેદ વસ્તુ લેવી  .આ વ્રત 11,21,31,41 કે 51 રવિવાર કરી શકાય  છે  .પુત્રપ્રાપ્તિ  ઈચ્છનારે આ વ્રત અવશ્ય કરવું  .

ચામુંડામાં ની સ્તુતિ

ચામુંડામાં ની સ્તુતિ 

અહે ધન્ય ચામુંડા શક્તિ તમારી કહું શું કથા એક જીહ્વા મારી 

કાળા જોઈ તમારી સહુ દેવ લાજ પરામ્બાશ્રી ચામુંડા દેવી બિરાજી 

સદાકાળ ભક્તિ તમારી જ માંગુ જનેતા અનીતિ થાકી દૂર ભાગું 

ચાહું દયા માત એક અવાજે દયા કરી ચામુંડાના શરણમાં  લેજે  .

ચામુંડામા નું વ્રત

ચામુંડામા નું વ્રત 

માં ચામુંડાનું નવ રવિવારનું  વ્રત હોય છે    .  આ વ્રત કારતક કે ભાદરવ મહિના સિવાય ના કોઈપણ માસથી શરુ કરી શકાય છે  .કોઇપણ માસના પ્રથમ રવિવારે   સૂર્યાસ્ત થયા પછી એક બાજોટ કે પાટલા ઉપર લાલ વસ્ત્ર  પથારી, એના પર ત્રણ મુઠી ચોખા કે ઘાઉં મૂકી એના પર માં ચામુંડાની છબી મુકવી  . માની સ્થાપના બાદ મને ચાંદલો કરી અક્ષત થી વધાવવા   .ઘી દીવો પ્રગટાવી જમણા હાથે એટલે કે આપણા ડાબા હાથે પાટલા પર મુકવો  .ત્રણ અગરબત્તી કરવી એક નાગવેલ ના પણ પર એક સોપારી મુકવી  .ત્યાર પછી માં ચામુંડા ના વ્રત ની વાર્તા વાંચવી કે સાંભળવી  .સાંભળતી વખતે હાથ માં ચોખા રાખવા  .વાર્તા પછી આરતી કરી મને થાળ ધરવો , શક્ય હોય તો સુખડી નો થાળ ધરાવો  .જો ન બની શકે તો ફળ ,પેંડા કે બીજી કોઈપણ મીઠી વસ્તુ ધરાવી શકાય છે  .થાળ બાદ પ્રથમ પ્રસાદ પોતે લઇ બાકીનો પ્રસાદ ઘરમાં અને પાડોશમાં વેહચી દેવો  .વ્રત ના દિવસે એકટાણું કરવું   .ફલાહાર પણ કરી શકાય છે  .